Հոկտեմբերի 23-ին Լյուքսեմբուրգում տեղի կունենա Եվրամիության արտաքին գործերի նախարարության ղեկավարների հանդիպումը:
Օրակարգում քննարկման դրված երեք կարևոր թեմաներն են Իսրայելը և Գազայի հատվածը, Ուկրաինան, Հայաստանն ու Ադրբեջանը:
ԵՄ բարձրաստիճան ներկայացուցչի խոսքով՝ այդ հանդիպման ժամանակ առաջինը կքննարկվի Մերձավոր Արևելքի իրադրությունը, երկրորդ թեման կլինի Ուկրաինան, երրորդը՝ Հարավային Կովկասը:
«Մերձավոր Արևելքում հակամարտությունը քննարկելիս նախարարները կանդրադառնան տարածաշրջանում հետագա էսկալացիայի կանխման ուղիներին, մարդասիրական օգնությանը, պատանդների ազատ արձակմանը, խաղաղ բնակչության պաշտպանությանը։
Ուկրաինայի վերաբերյալ արդեն որոշ ժամանակ խորհրդակցություններ են ընթանում անվտանգության միջնաժամկետ և երկարաժամկետ երաշխիքների, Զելենսկու «խաղաղ բանաձևի» վերաբերյալ։ Դրանք էլ կլինեն նախարարների ուշադրության կենտրոնում»,- ասել է եվրոպական աղբյուրը:
Նրա խոսքով՝ Հայաստանի և Ադրբեջանի հարաբերությունների կարգավորման հարցում կքննարկվի եվրոպական միջնորդությունը, ինչպես նաև ԵՄ աջակցության և Հայաստանի հետ համագործակցության ընդլայնումը։
