«Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը տեղեկացրել է, որ Երևանում այսօրվանից մեկնարկում է արժեքավոր ծառատեսակների լրացման աշխատանքները․
«Աշխատանքները կմեկնարկեն Մաշտոցի պողոտայից։ Մաշտոցի պողոտայում, Սայաթ-Նովայի և մի շարք այլ պողոտաներում, որտեղ ծառատեսակներն արժեքավոր են, լրացման գործընթացն սկսվում է այսօրվանից։ Նոյեմբերի 1-ից էլ կմեկնարկեն աշնանային էտի աշխատանքները։ Իսկ նոյեմբերի 15-ից՝ կենսունակությունը կորցրած ծառերի փոխարինման աշխատանքները»,– ասել է նա։
