ԱԺ ՔՊ խմբակցության պատգամավոր Գուրգեն Արսենյանը հերքել է տարածված լուրերը, թե Մոսկվան մերժել է իր ագրեմանի հաստատումը. «Իմ փաստաթղթերը գտնվում են Ռուսաստանում»,- ասել է նա։
Նա ագրեմանի հաստատումը մերժելու լուրերը որակել է ապատեղեկատվություն։
Պատգամավորը խոսել է արտաքին քաղաքական խնդիրներից՝ նշելով, որ Հայաստանը 30-ամյա պաշարված ամրոցի ռեժիմից անցնում է բաց, խաղաղ, փոխշահավետ համագործակցության ռեժիմի. «Մենք մեր պատրաստակամությունն ենք հայտնում համայն աշխարհին»։
Նա նշել է, որ շարունակելու է խոսել խաղաղությունից, քանի որ դա Հայաստանի ամենամեծ ռեսուրսն է. «Խաղաղության պարագայում հայ հասարակությունն անցնում է մի աշխատանքային ռեժիմի, որը միայն օգտակար է»։
