Բաքուն Կանադայի արտաքին գործերի նախարար Մելանի Ժոլիին մեղադրել է Հարավային Կովկասում տեղի ունեցող գործընթացների վերաբերյալ կողմնակալ դիրքորոշման մեջ և կոչ արել նրան հրաժարվել «սադրիչ հայտարարություններից»։
«Այն իրավիճակում, երբ տարածաշրջանում հումանիտար ճգնաժամ չկա, կանադացի նախարարի հակառակ հայտարարությունները Կանադայի կողմից դրսևորած ակնհայտ կողմնակալության վառ օրինակն են», – ընդգծում է Ադրբեջանի ԱԳՆ-ն։
Բաքուն նաև կոչ է արել Կանադայի արտաքին գործերի նախարարության ղեկավարին, որը չի բացառում Ադրբեջանի դեմ պատժամիջոցների կիրառումը, ձեռնպահ մնալ «սպառնալիքների լեզվով խոսելուց, ինչը չափազանց սխալ է և հաջողություն չի բերի կողմերից ոչ մեկին»։