ԱՄՆ պետքարտուղարի խոսնակ Մեթյու Միլլերն անդրադարձել է հայ-ադրբեջանական հարաբերությունների կարգավորման գործընթացին, մասնավորապես, Փաշինյան–Ալիև հանդիպման՝ արդեն երկրորդ անգամ չեղարկմանը։
Պատասխանելով հարցին, թե ի՞նչ ակնկալիք ունի Վաշինգտոնի կողմից աջակցվող խաղաղ գործընթացից, Միլլերը հայտարարել է․ «Մենք շարունակում ենք հավատալ, որ այն բխում է երկու կողմերի շահերից, բխում է տարածաշրջանի և ամբողջ աշխարհի շահերից, որպեսզի այդ երկու կողմերը հասնեն խաղաղության համաձայնության, և մենք կշարունակենք պնդել դա»:
