Հունգարիայի արտաքին գործերի նախարար Պետեր Սիյարտոն Արարատ Միրզոյանի հետ հանդիպմանը հայտարարել է, թե քրիստոնեությունը Հայաստանի հետ հարաբերությունների զարգացման հիմքերից է․
«Մենք կառուցում ենք համագործակցություն, որը կծառայի երկու ազգերին և երկրներին։ Կան ընդհանուր հիմքեր։ Օրինակ՝ քրիստոնեական արմատները։ Հպարտությամբ ասում ենք, որ քրիստոնեությունը 1000 տարուց ավելի մեր պետական կրոնն է, իսկ Հայաստանում՝ ավելի վաղ։ Մենք համեստ ենք ձեր համեմատ:
Անշուշտ, հայ քրիստոնեական եկեղեցին շատ կարևոր դեր է խաղացել կապերի վերականգնման գործում։ Մենք նախկինում էլ փորձել ենք մեր բարի կամքը դրսևորել՝ նպաստելով 2021 թվականին 5 գերիների ազատ արձակմանը»,- հիշեցրել է Սիյարտոն՝ նկատի ունենալով Ադրբեջանից գերիների ազատ արձակումը։