ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը հայտարարել է, որ իր տպավորությամբ՝ ժողովրդի համար «Հոկտեմբերի 27»-ը բացահայտված է։ Ըստ նրա՝ խնդիրն իրավական առումով բացահայտելու մեջ է․
«Այդ ցանկալի բացահայտումներին հասնելու համար հնարավորություն կա։ Շատ կարևոր վկաներ այսօր գոյություն չունեն։ Մի մասը մահացել է տարօրինակ հանգամանքներում։ Ինչ-որ մարդիկ կան։ Կան այն ծավալուն հատորները, որոնց մեջ կարող են գտնել և, համոզված եմ, գտել են բազմաթիվ դրվագներ, որի ուղղությամբ պետք է զարգանա գործը։
Վերջին հաշվով՝ բոլորդ մոռացել եք Ալեքսան Հարությունյանին։ Քանի Ալիկ Հարությունյանը կա, «Հոկտեմբերի 27»-ի գործը դեռ բացահայտման շանս ունի»,-լրագրողների հետ ճեպազրույցում հայտարարել է Քոչարյանը։
Ըստ նրա՝ քրգործով մի շարք վկաներ տարօրինակ ձևով հնարավորություն ունեցան չանցնել ստի դետեկտորով։