ՄԱԿ-ի Գլխավոր ասամբլեան Մերձավոր Արևելքի հարցով իր հատուկ նստաշրջանում բանաձև է ընդունել, որը ներկայացրել էր Հորդանանը, արաբական երկրների խմբի անունից՝ այլ երկրների հետ համահեղինակությամբ:
Բանաձևի նախագծին կողմ է քվեարկել 120 երկիր, դեմ է արտահայտվել 14-ը, 45-ը ձեռնպահ է մնացել:
Փաստաթուղթը կոչ է անում պաշտպանել Գազայի խաղաղ բնակչությանը և «անհապաղ, կայուն և շարունակական հումանիտար հրադադար հաստատել՝ ռազմական գործողությունների հետագա դադարեցմամբ»:
Բանաձևի հեղինակները նաև կոչ են արել չեղյալ հայտարարել Իսրայելի հրամանը պաղեստինցի քաղաքացիական անձանց և ՄԱԿ-ի անձնակազմին, ինչպես նաև հումանիտար և բժշկական աշխատողներին Գազայի հատվածի բոլոր շրջաններից տարհանելու մասին:
Բանաձևի տեքստում Իսրայելի վրա ՀԱՄԱՍ-ի հարձակումը դատապարտող կետ ներառելու մասին Կանադայի առաջարկած ուղղումը չի հավաքել ձայների անհրաժեշտ երկու երրորդը:
