Այսօր՝ հոկտեմբերի 28-ին հեռախոսազրույց են ունեցել ՌԴ և Ադրբեջանի արտգործնախարարներ Սերգեյ Լավրովն ու Ջեյհուն Բայրամովը։ Այս մասին հայտնում են ՌԴ ԱԳՆ-ից։
Նախարարները քննարկել են երկկողմ հարաբերությունների ընթացիկ հարցեր, տարածաշրջանային և միջազգային օրակարգեր։
Հաստատվել է 2020-2022 թվականներին ամենաբարձր մակարդակով մի շարք եռակողմ համաձայնագրերի հիման վրա Ադրբեջանի և Հայաստանի միջև հարաբերությունների կարգավորմանն ուղղված ջանքերի ավելացման անհրաժեշտությունը, այդ թվում.-խաղաղության պայմանագրի նախապատրաստում,-տրանսպորտային հաղորդակցությունների ապաշրջափակում,-հայ-ադրբեջանական սահմանի սահմանազատում։