2024 թվականի բյուջեի եկամտային մասով ՀՀ բյուջեն 2018 թվականի համեմատ ավելի քան կրկնապատկվում է։ Այս մասին բյուջե-2024-ի նախագծի քննարկումներին հայտարարեց վարչապետ Նիկոլ Փաշինյանը։
«Ուզում եմ արձանագրել, որ 2024 թվականին պլանավորվող բյուջեի եկամտի մասը 1 տրիլիոն 367 միլիարդ 800 միլիոն դրամով կամ 105%-ով ավելի է, քան 2018 թվականին պլանավորված բյուջեն։ Ավելին ասեմ՝ ավելացող մասը մոտավորապես 60 միլիարդ դրամով ավելի է, քան 2018 թվականին նախատեսված ամբողջ բյուջեն։ Մենք էական ավելացումներ ունենք մի շարք առանցքային ուղղություններով։ Մասնավորապես՝ կրթության մասով մեր հատկացումները 2018 թվականի համեմատ աճում են 130%-ով, 2024 թվականին կրթության հատկացումների ավելացող մասը 165 միլիարդ դրամ է, ինչը 2018 թվականին հատկացված միջոցներից մոտավորապես 137 միլիարդ դրամով ավելի է»։
Այնուհետեւ վարչապետը մանրամասներ ներկայացրեց կրթության ոլորտում իրականացված շինարարական ավարտված եւ ընթացիկ աշխատանքներից։