Վարչապետ Նիկոլ Փաշինյանը հայտարարել է, թե վերջին երկու տարում էականորեն սրվել է միջազգային իրադրությունը։ Ըստ նրա, միջուկային պատերազմի հավանականությունը դարձել է փորձագետների ու քաղաքական գործիչների քննարկման լրջագույն առարկա․
«Մենք ապրում ենք երկրագնդի վրա հաստատված աշխարհակարգի փլուզման պայմաններում։ Այս իրավիճակը Հայաստանի համար ստեղծում է սպառնալիքներ, բայց դրանց գրագետ կառավարումը կարող է նույնքան լրջագույն հնարավորություններ ստեղծել մեր պետության համար», -2024թ. բյուջեի նախագծի նախնական քննարկումների ժամանակ ասել է նա։
Ըստ վարչապետի՝ Հայաստանին հարկավոր է այդ սպառնալիքների համար իրականացնել մտավոր հայեցակարգային աշխատանք։ Ըստ նրա՝ դրա առանցքային նպատակն ինքնահայեցումն է, 32 տարվա պետականության, պետական կյանքի առանցքային կողմերի վերլուծությունը։