Կրթության և գիտության նախկին նախարար, ՀՀԿ փոխնախագահ Արմեն Աշոտյանի գործով դատավարության ժամանակ նրա փաստաբանները բացարկ հայտնեցին դատավոր Վահե Դոլմազյանին։
«Արմեն Աշոտյանի գործով նախորդ երկու գործերի ընթացքում ի հայտ են եկել հանգամանքներ, որոնք մեզ մոտ ողջամիտ կասկած են հարուցում նախագահող դատարանի անկողմնակալության մեջ», – ասել է փաստաբան Ռուբեն Մելիքյանը։
Դատավորն Արմեն Աշոտյանի հայտարարության ժամանակ մի քանի անգամ ընդհատել է նրան, ինչին ի պատասխան՝ Աշոտյանն ասել է, թե բացարկ են հայտնում հենց դատավորի պատճառով։
Աշոտյանը հավելել է նաև, բացարկը բավարարելու դեպքում ով էլ այդ գործով նիստը նախագահի, միևնույն է, նույնկերպ է վարվելու, ինչ՝ դատավոր Դոլմազյանը։