64 արցախցի է մահացել բռնի տեղահանման ընթացքում․ ՔԿ

Azatutyn.am 64 արցախցի է մահացել բռնի տեղահանման ընթացքում՝ ճանապարհին սննդի, դեղորայքի, բուժօգնության բացակայության պայմաններում, «Ազատությանը» փոխանցեց Քննչական կոմիտեի խոսնակ Գոռ Աբրահամյանը։

Նա նաև տեղեկացրեց, որ սեպտեմբերի 19-ի մարտական գործողություններից հետո մինչև այժմ 30 զինծառայողի և 12 քաղաքացիական անձի գտնվելու վայրը անհայտ է։

Ըստ Աբրահամյանի՝ մեկօրյա պատերազմում զոհերի թիվն ավելի քան 200 է, սպանվել է 9 քաղաքացիական անձ, նրանցից 3-ը երեխաներ են, վիրավորում են ստացել 231 զինծառայողներ ու 80 խաղաղ բնակիչներ։

Քննչական կոմիետից տեղեկացնում են՝ ադրբեջանցի զինվորականները 14 հոգու խոշտանգել են։

Այս տվյալներն, ըստ Աբրահամյանի, վերջնական չեն, Ադրբեջանի կողմից Լեռնային Ղարաբաղում իրականացված էթնիկ զտումների վերաբերյալ քրեական գործով քննությունը շարունակվում է։