Եմենում Իրանի կողմից աջակցվող հուսիթ ապստամբները ստանձնել են հարավային Իսրայելի դեմ մի շարք հարձակումների պատասխանատվությունը։ Առավոտյան Իսրայելի զբոսաշրջային Էյլաթ քաղաքի հրթիռակոծության ազդանշաններ են տրվել, որոնք որսացել են «Arrow» հակաօդային պաշտպանության համակարգերը: Իսրայելական ինքնաթիռները խոցել են անօդաչու սարքերը։
Հուսիթների վարչապետ Աբդելազիզ բեն Հաբթուրն ավելի վաղ հայտարարել էր, որ հարձակման ժամանակ օգտագործված անօդաչու սարքերը «պատկանում են Եմեն պետությանը»: Հուսիթները, որոնք 2014թ․ գրավել են Եմենի մայրաքաղաք Սանան և վերահսկում են երկրի մի մասը, «Համաս»–ի հետ հանդիսանում են Իսրայելի դեմ «դիմադրության առանցքի» մի մասը, որը նույնպես աջակցվում է Թեհրանի կողմից: