ՌԴ նախագահ Վլադիմիր Պուտինը հայտարարել է, որ օտարերկրացիներն իրենք են խճճվել Ռուսաստանի Դաշնության դեմ պատժամիջոցներից, և իրենց երևակայության մեջ հասնում են աբսուրդի, արգելում են պտուտակահանների և ասեղների ներկրումը։
«Վերջին տարիների ընթացքում մեր, այսպես կոչված, գործընկերներն ընդունել են պատժամիջոցների անհամար փաթեթներ, իրենք էլ գործնականում խճճվել են այդ պատժամիջոցների մեջ, փորձել են պատժել մեզ, բայց ի վերջո, ինչպես տեսնում ենք վիճակագրությունից, հարվածել են սեփական տնտեսությանը։
Մեր դեմ պատժամիջոցների ագրեսիայի ներուժը գործնականում սպառվել է, և կարող են օգտագործվել դիվերսիոն գործողություններ»,- ասել է Պուտինը տնտեսական հարցերով հանդիպման ժամանակ։
Ինչպես արդեն հայտնել էինք Եվրամիությունը հակառուսական պատժամիջոցների նոր՝ 12-րդ փաթեթ է պատրաստել, որը նախատեսում է Ռուսաստանին զրկել երրորդ երկրների միջոցով անհրաժեշտ բաղադրիչներին, տեխնոլոգիաներին և էլեկտրոնիկային հասանելիությունից, ինչպես նաև երրորդ երկրների հետ պայմանագրերում ներդնել վերարտահանման արգելքը: