ԱՄՆ-ն ոչ հիմա, ոչ էլ հետագայում չի նախատեսում ամերիկացի զինծառայողներ ուղարկել Գազա, սակայն գործընկերների հետ քննարկում է հակամարտության ավարտից հետո այնտեղ որոշակի «միջազգային խաղաղապահ» ներկայություն տեղակայելու հնարավորությունը։ Այս մասին հայտարարել է Սպիտակ տան Ազգային անվտանգության խորհրդի խոսնակ Ջոն Քիրբին։
«Հիմա կամ ապագայում Գազայում ամերիկացի զինվորականներ տեղակայելու ծրագրեր կամ մտադրություններ չկան»,- ասել է Քիրբին։
Նա նաև հավելել է, որ ԱՄՆ-ն գործընկերների հետ քննարկում է, թե «ինչ տեսք պետք է ունենա Գազան հակամարտության ավարտից հետո», ինչպես նաև այդ տարածքում «որոշակի միջազգային ներկայության» հնարավոր տեղակայումը։
«Սակայն դրա վերաբերյալ որևէ որոշում չի կայացվել», – ընդգծել է Սպիտակ տան ներկայացուցիչը։
