Սիրիայի արևելքում գտնվող Ալ-Օմար նավթային հանքավայրի մոտ տեղակայված ամերիկյան ռազմաբազան անօդաչու թռչող սարքերի հարձակման է ենթարկվել։
Այս մասին հայտնում է իրանական ISNA գործակալությունը։ Միջադեպի մանրամասները չեն հաղորդվում։
Հոկտեմբերի 31-ին Իրաքի իսլամական դիմադրության ստորաբաժանումները հրթիռակոծել էին Դեյր էզ-Զոր նահանգում գտնվող Ալ-Օմար ամերիկյան ռազմաբազան։
Ականատեսները հայտնել էին, որ ռազմական օբյեկտի տարածքում մի քանի պայթյուն էր լսվել։ Այս հարձակումների վերաբերյալ ամերիկյան հրամանատարությունից տեղեկություն չկար։