Ուկրաինայի զինված ուժերի գլխավոր հրամանատար, գեներալ Վալերի Զալուժնին հայտարարել է քաղաքացիների այն կատեգորիաների ընդլայնման անհրաժեշտության մասին, որոնք կարող են զորակոչվել վերապատրաստման կամ զորահավաքի։
Ինչպես նա նշել է The Economist-ի իր հոդվածում, իր առաջնահերթություններից մեկը ռեզերվների կուտակումն է: Նրա խոսքով՝ Ուկրաինայի օրենսդրության մեջ կան բացեր, որոնք թույլ են տալիս քաղաքացիներին խուսափել իրենց պարտականություններից․
«Փորձում ենք շտկել այդ խնդիրները։ Ներդնում ենք զորակոչիկների միասնական ռեգիստր, ընդլայնում քաղաքացիների կատեգորիան, որոնք կարող են զորակոչվել վերապատրաստման կամ զորահավաքի, ներմուծում ենք նաև պրակտիկա, որը ներառում է փորձառու անձնակազմ մարտական ստորաբաժանումներում՝ նրանց պատրաստելու համար»,- հավելել է գեներալը։