Քիչ առաջ հայտնի դարձավ, որ հանկարծամահ է եղել ԱԺ «Քաղաքացիական պայմանագիր» խմբակցության պատգամավոր Մաթևոս Ասատրյանը։
Նա, ըստ մամուլի տեղեկությունների, ծանր վիճակում տեղափոխվել է հիվանդանոց, բժիշկներին չի հաջողվել փրկել պատգամավորի կյանքը։
Մաթևոս Ասատրյանի մահը հաստատել է նաև ԱԺ նախագահ Ալեն Սիմոնյանը, որն իր տելեգրամյան ալիքում հետևյալ բովանդակությամբ գրառումն է արել․
«Ցավակցում եմ մեր ընկեր ՔՊ պատգամավոր Մաթևոս Ասատրյանի անժամանակ մահվան կապակցությամբ:
Երիտասարդ, մաքուր ու արժանապատիվ ընկեր, հանգչիր խաղաղությամբ:
Ընկեր ջան»,-գրել է Սիմոնյանը։
Նշենք, որ Ասատրյանը 38 տարեկան էր։ Ծնվել էր Արագածոտնի Քուչակ գյուղում։ Նա եղել է նաև նախորդ գումարման ԱԺ պատգամավոր՝ «Իմ քայլը» խմբակցությունից։
