ԱՄՆ «Օհայո» դասի «USS Florida» միջուկային սուզանավը մտել է Պարսից ծոցի ջրեր․ Վաշինգտոնը մտադիր է ուժ ցուցադրել և զսպել Թեհրանին՝ Մերձավոր Արևելքում հակամարտության սրացումից խուսափելու համար:
Bloomberg-ի փոխանցմամբ՝ նոյեմբերի 6-ին Սպիտակ տան անվտանգության խորհրդի ռազմավարական հաղորդակցությունների համակարգող Ջոն Քիրբին ասել է, որ Միացյալ Նահանգները «Օհայո» դասի սուզանավ է ուղարկել Մերձավոր Արևելք, ինչն անհրաժեշտ է ամերիկյան զինվորականների անվտանգությունն ապահովելու համար։ Ոչ մի խոսք չկար, թե որ ամերիկյան սուզանավն է ուղարկվել Մերձավոր Արևելք կամ կոնկրետ որտեղ է այն տեղակայված։