ԱԺ «Քաղաքացիական պայմանագիր» խմբակցության պատգամավոր Մաթևոս Ասատրյանի մահը ծանր հարված է մեզ համար. նշել է Նիկոլ Փաշինյանը իր ցավակցական գրառման մեջ։
«ԱԺ «Քաղաքացիական պայմանագիր» խմբակցության պատգամավոր Մաթևոս Ասատրյանի մահը ծանր հարված է մեզ համար: Մաթևոսը մարդ է, ում վրա կարելի է հենվել, վստահ լինելով, որ դժվար պահին նա կլինի իր տեղում, ուրախ պահին էլ կլինի իր տեղում, միշտ կլինի իր տեղում:
Իր տեղում լինելը կախված չէ հանգամանքից: Իր տեղում լինելը կախված է իր տեղի գիտակցումից, իր տեղի նկատմամբ պատասխանատվության և սեփականության զգացումից:
Եվ դա մի տեղ է, որ հնարավոր չէ լրացնել, որովհետև դա միայն իր տեղն է: Եվ մենք կզգանք քո ներկայությունը մեր կողքին: Ննջիր խաղաղությամբ, Եղբա՛յր»:
