2024 թվականին Վրաստանում կայանալիք խորհրդարանական ընտրությունների որակը կլինի Եվրամիության հետ երկրի հետագա մերձեցման գործոններից մեկը․ այս մասին հայտարարել է Վրաստանում ԵՄ դեսպան Պավել Գերչինսկին։
«Մենք առանձնացրել ենք 9 քայլ, որոնցից մի քանիսը շատ ծանոթ են, քանի որ դրանք 12 առաջնահերթության մաս են, որոնց իրականացումը շարունակվում է։ Մնացածը նոր են, և դրանցից մեկն ազատ ու արդար ընտրություններն են, ինչը ժողովրդավարության ողնաշարն է․ և ոչ միայն ընտրությունների օրը, այլև ողջ նախընտրական շրջանը»,- լրագրողներին ասել է Գերչինսկին։