ԱՄՆ ռազմական օգնությունը Ուկրաինային նվազում է. Պենտագոն

ԱՄՆ-ն մոտ ժամանակներս կշարունակի Ուկրաինային ռազմական օգնության նոր փաթեթներ տրամադրել, սակայն այդ փաթեթների ծավալը գնալով փոքրանում է։

Այդ մասին ճեպազրույցի ժամանակ հայտարարել է ԱՄՆ պաշտպանության նախարարության փոխխոսնակ Սաբրինա Սինգհը։ Այս կապակցությամբ Պենտագոնը կոչ է արել Կոնգրեսին հնարավորինս արագ հաստատել լրացուցիչ ֆինանսավորումը։ Նրա խոսքով, ԱՄՆ-ն արդեն օգտագործել է ընդհանուր գումարի ավելի քան 95%-ը, որը հատկացվել էր Ուկրաինային օգնելու համար՝ այն է՝ 62,3 մլրդ դոլար: Նախօրեին Սպիտակ տունը հայտարարել էր, որ միջոցների 96%-ն է օգտագործվել։