Թուրքիայի առողջապահության նախարար Ֆահրեթթին Խոջան հայտնել է, որ Թուրքիան, Եգիպտոսը և Իսրայելը համակարգող խումբ են ստեղծել Գազայի հատվածից վիրավորներին և հիվանդներին տեղափոխման և բուժման համար։
«Ռաֆահ անցակետով Գազայից հիվանդների դուրսբերմանն ուղղված դիվանագիտական աշխատանքի ընթացքում կապ է հաստատվել Իսրայելի առողջապահության նախարարի հետ և ձևավորվել է առողջապահական համակարգող խումբ, որի կազմում ընդգրկվել են երեք երկրների՝ Թուրքիայի, Եգիպտոսի և Իսրայելի ներկայացուցիչներ»,- գրել է նա X սոցիալական ցանցի իր էջում։