ԿԸՀ-ն այսօր ներկայացրել է ԱԺ պատգամավորներ ընտրված և լիազորությունները վաղաժամկետ դադարեցրած պատգամավորների մանդատները հաջորդ թեկնածուներին տրամադրելու մասին թիվ 18 և թիվ 19 արձանագրությունները, ըստ որոնց՝ մանդատները տրվում են «Հայաստան» դաշինքի ընտրական ցուցակի առաջին մասի հերթական հաջորդ թեկնածու Լևոն Քոչարյանին և ՔՊ կուսակցության ընտրական ցուցակի առաջին մասի հերթական հաջորդ թեկնածու Տիգրան Պարսիլյանին: Այդ մասին ԱԺ հերթական նստաշրջանի մեկնարկին տեղեկացրեց ԱԺ խոսնակ Ալեն Սիմոնյանը:
Ռոբերտ Քոչարյանի որդին՝ «Հայաստան» խմբակցության նորընտիր պատգամավոր Լևոն Քոչարյանը երդվեց ԱԺ նիստում՝ ստանձնելով իր լիազորությունները։
Հիշեցնենք, ԱԺ «Հայաստան» խմբակցության մանդատը թափուր էր մնացել Արմեն Չարչյանի հրաժարականից հետո, «Հայաստան» դաշինքի ևս երեք թեկնածու ինքնաբացարկ հայտնեց, որից հետո պատգամավոր դարձավ Լևոն Քոչարյանը, որ մինչ այդ ոստիկանների նկատմամբ բռնություն գործադրելու համար գտնվում էր կալանքի տակ։
