ՀՀ գլխավոր դատախազությունն Արցախի նախագահ Սամվել Շահրամանյանի դիմումը փոխանցել է Ազգային անվտանգության ծառայություն։ Այս մասին 24News-ին հայտնեցին ՀՀ գլխավոր դատախազությունից։
«Դատախազությունը ստացել է դիմումը, որն ուղարկվել է ՀՀ ազգային անվտանգության ծառայություն»,-փոխանցեցին դատախազությունից
Հիշեցնենք, որ Սամվել Շահրամանյանը դիմել էր ՀՀ Գլխավոր դատախազ Աննա Վարդապետյանին՝ խնդրելով Արցախի Հանրապետության պաշտոնատար անձանց կողմից առերևույթ հանցագործություններ կատարելու մասին հրապարակումներն ընդունել որպես հանցագործության մասին հաղորդում։
«Արցախի Հանրապետության իշխանությունները շահագրգռված են պաշտոնատար անձանց կողմից կատարված հնարավոր չարաշահումները բացահայտելու և մեղավոր անձանց պատասխանատվության ենթարկելու հարցում», -ասված է Արցախի տեղեկատվական շտաբի տարածած հաղորդագրությունում։
