Ուկրաինայի նախագահ Վլադիմիր Զելենսկին հայտարարել է, որ Ռուսաստանը փորձում է պառակտում սերմանել ուկրաինական հասարակության մեջ՝ քաոս ստեղծելով երկրի ներսում։
«Մեր հետախուզությունն ունի տեղեկատվություն, որը ստացվել է նաև մեր գործընկերներից», – ասել է Զելենսկին Bloomberg-ին տված մեկնաբանությունում:
Զելենսկին հայտնել է, որ Ռուսաստանի նոր ապատեղեկատվության ծրագիրը կրում է «Մայդան–3» ծածկանունը՝ հղում կատարելով Կիևի կենտրոնական հրապարակին, որը 2004 և 2014 թվականներին ապստամբությունների կիզակետն էր: Վերջինս որոշիչ դեր խաղաց Ուկրաինայի ռուսամետ նախկին նախագահ Վիկտոր Յանուկովիչի տապալման գործում։
