Իրանը կանի «այն ամենը, ինչ անհրաժեշտ է», որպեսզի օգնի ՀԱՄԱՍ-ին Իսրայելի հետ պատերազմում, այս մասին ասել է Իրանի Իսլամական հեղափոխության պահապանների կորպուսի «Ալ Ղուդս» հատուկ նշանակության ստորաբաժանման հրամանատար Էսմայիլ Քաանին՝ ՀԱՄԱՍ-ի գլխավոր հրամանատար Մուհամմեդ Դեյֆին ուղղված ուղղերձում, գրում է alarabiya.net-ը.
«Դիմադրության առանցքի ձեր եղբայրները միաբանված են ձեզ հետ և թույլ չեն տա, որ թշնամին հասնի իր կեղտոտ նպատակներին Գազայում և Պաղեստինում», – ասվում է Քաանիի նամակում, որն ուղղված է ՀԱՄԱՍ-ի ռազմական թևի՝ «Էզեդին ալ Քասամ» բրիգադների ղեկավար Դեյֆին:
Աղբյուրը մանրամասնում է, որ «Դիմադրության առանցքը» ներառում է Իրանի կողմից աջակցվող տարածաշրջանային զինյալ խմբավորումների ցանցը, ներառյալ ՀԱՄԱՍ-ը, Լիբանանի «Հեզբոլլահ»-ը, տարբեր աշխարհազորայիններ Իրաքում և Սիրիայում, ինչպճես նաև հութի աշխարհազորայինները Եմենում:
«Մենք հավատարիմ ենք մեր եղբայրական խոստմանը, որը միավորում է մեզ և վստահեցնում ենք, որ կանենք այն ամենը, ինչ անհրաժեշտ է այս պատմական ճակատամարտում», – հավելել է Քաանին նամակում, որը տարածել է իրանական պետական IRNA գործակալությունը:
