Մադրիդում շուրջ 170 հազար մարդ բողոքի ցույցի է դուրս եկել Կատալոնիայի անկախության կողմնակիցների համաներման մասին օրենքի և երկրի կառավարության նախագահ Պեդրո Սանչեսի դեմ:
Քաղաքական գործիչը համաձայնել է առաջարկված համաներմանը, որին դեմ էր հանդես եկել ընտրությունների նախօրեին, ինչը հանգեցրել է նրա քաղաքական ընդդիմախոսների վրդովմունքին: Սանչեսին մեղադրել են կեղծավորության, ցինիկաբար մանևրելու և սեփական քաղաքական գոյատևումը երկրի շահերից վեր դասելու մեջ: Այս քայլը զայրացրել է նաև շատ իսպանացիների՝ ինչպես ձախ, այնպես էլ աջ ուժերի կողմնակիցների:
