Ադրբեջանի նախագահի խորհրդական Հիքմեթ Հաջիևն անդրադարձել է հայ-թուրքական և հայ-ադրբեջանական հարաբերություններին։
Հաջիևը, մասնավորապես, հայտարարել է. «Ադրբեջանի և Թուրքիայի հետ սահմանների փակ լինելը Հայաստանի մեղքով է։ Թուրքիայի դիրքորոշումը միշտ եղել է այն, որ Հայաստանի հետ հարաբերությունները կարող են կարգավորվել, եթե վերջինս դադարեցնի ադրբեջանական հողերի օկուպացիան, հրաժարվի իր տարածքային հավակնություններից թե՛ Թուրքիայի, թե՛ Ադրբեջանի նկատմամբ և վերջապես տարածաշրջանում դրական օրակարգ առաջ քաշի։
Ադրբեջանն ու Թուրքիան միշտ սինխրոն աջակցել են հարաբերությունների կարգավորմանը և մշտապես դրական ուղերձներ են հղել Հայաստանին։ Բայց Հայաստանը դեռ պետք է գնահատի տարածաշրջանի ներուժը և մոտեցում ցուցաբերի տարածաշրջանի խնդիրները ներսում լուծելու համար»։
