ՀԱՊԿ քարտուղարությունը հստակեցրել է, թե կոնկրետ ինչից է հրաժարվել Հայաստանը:
«Մինչ այժմ մշակվում էր երկու փաստաթուղթ՝ կապված Հարավային Կովկասում իրավիճակի կայունացման հետ։ Խոսքը ՀԱՊԿ Հավաքական անվտանգության խորհրդի «Հայաստանի Հանրապետությանը օգնություն ցուցաբերելու համատեղ միջոցառումների մասին» որոշման նախագծի և կազմակերպության անդամ երկրների արտաքին գործերի նախարարների հայտարարության մասին է` ի աջակցություն այս տարածաշրջանում խաղաղության հասնելու ջանքերին», – ասված է կազմակերպության մեկնաբանության մեջ:
Կազմակերպությունից նշել են՝ Հայաստան ՀԱՊԿ դիտորդական առաքելություն ուղարկելու ուղղությամբ աշխատանքները շարունակվում են։
Հիշեցնենք՝ նախօրեին հայտնի դարձավ՝ Երևանը ՀԱՊԿ դաշնակիցներին խնդրել է օրակարգից հանել Հայաստանին օգնության մասին փաստաթուղթը։
