Հանրապետության նախագահի նստավայրում այսօր տեղի է ունեցել պաշտոնական այցով Հայաստան ժամանած Իրաքի Հանրապետության նախագահ Աբդ Ալ Լատիֆ Ջամալ Ռաշիդի դիմավորման պաշտոնական արարողությունը:
Հայաստանի նախագահ Վահագն Խաչատուրյանը ողջունել է Իրաքի նախագահ Աբդ Ալ Լատիֆ Ջամալ Ռաշիդին:
Զինվորական նվագախմբի կատարմամբ հնչել են Հայաստանի և Եգիպտոսի պետական օրհներգերը։
Այնուհետև, նախագահները միմյանց են ներկայացրել երկու երկրների պաշտոնական պատվիրակություններին:
Իրաքը մերձավորաևելյան տարածաշրջանում Հայաստանի կարևոր և վստահելի գործընկերն է. մամուլի ասուլիսի ժամանակ նշել է նախագահ Խաչատուրյանը:
Իր խոսքով՝ Հայաստանը մեծապես հետաքրքրված է Իրաքի հետ երկկողմ օրակարգի զարգացմամբ, մասնավորապես առևտրատնտեսական ոլորտում:
Վահագն Խաչատուրյանն ու Իրաքի նախագահ Աբդուլ Լատիֆ Ռաշիդը բանակցությունների ընթացքում քննարկել են երկկողմ հետաքրքրություն ներկայացնող մի շարք հարցեր, հայ-իրաքյան հարաբերությունների ընթացիկ վիճակն ու հեռանկարները:
