Վարչապետ Նիկոլ Փաշինյանն անդրադարձել է «խաղաղության խաչմերուկի» ծրագրին՝ նշելով, որ Հայաստանի ամենամեծ պրոբլեմներից մեկը շրջափակումն է։
Ըստ նրա՝ հույս կա, որ արդեն 30 տարի շարունակվող այդ շրջափակումը խաղաղությամբ և «Խաղաղության խաչմերուկով» կհաղթահարվի.
«Մենք ի՞նչ ենք կարծում՝ Մեղրիով պե՞տք է անցնի երկաթուղի, որը կկապի արևելքը արևմուտքին, այդ թվում՝ Ադրբեջանը Նախիջևանին, Թուրքիային, Մեղրին՝ Երասխին և Հայաստանի մնացած մասին, Հայաստանը՝ միջազգային երկաթուղային ցանցին։ Այո, միանշանակ, և դա 100%–ով համապատասխանում է մեր երկրի շահերին»,- ասել է նա։
Վարչապետը փաստել է, որ կոմունիկացիաները պետք է բացվեն երկրների ինքնիշխանության իրավազորության ներքո՝ հավասարության և փոխադարձության սկզբունքներով։
Ըստ նրա՝ Ադրբեջանը Հայաստանի երկաթուղուց կարող է օգտվել Նախիջանի կապի համար․ այն նույն սկզբունքով, որով Հայաստանը կարող է օգտվել, օրինակ, Մեղրիի և Երասխի երկաթուղային կապի համար.
«100%–անոց անվտանգություն կարող է ապահովել միայն խաղաղությունը, և սա է պատճառը որ մենք որդեգրում ենք խաղաղության օրակարգը»,-ասել է նա:
Վարչապետը նաև նշել է, որ խաղաղության առաջարկն արվել է միջազգային գործընկերներին, այդ թվում՝ Ադրբեջանին, Թուրքիային, Իրանին, Վրաստանին.
«Ադրբեջանի առաջին արձագանքը հետևյալն էր, որ իրենք, կարծես, այլևս հետաքրրքված չեն այդ նախագծով, ոովհետև իրենք կոմունիկացիաների նախագիծն իրականացնում են Իրանի հետ։ Մեր առաջարկը ընդունելու դեպքում այդ նախագիծը կիրականացվի»։
