«Վերին Լարսում խնդիր կա, այն է՝ նույն բեռով բեռնված բեռնատարների մի մասն անցնում է, մյուս մասը՝ ոչ»,- այս մասին այսօր լրագրողների հետ ճեպազրույցում ասաց ՀՀ ՏԿԵ նախարար Գնել Սանոսյանը՝ նշելով, որ գործընկերները բեռի ուսումնասիրություն են անում և որոշակի խնդիրներ են տեսնում։
Ըստ նախարարի՝ խնդիրն ավելի շատ գյուղմթերքին է վերաբերում, որը համապատասխան տեսչական մարմինների տիրույթում է։
Լրագրողները հետաքրքրվեցին՝ տեղի ունեցողը կապ չունի՞ Հայաստանի վարած արտաքին քաղաքականության հետ, օրինակ, ՀԱՊԿ նիստերին չմասնակցելու, նախարար Սանոսյանն ասաց, որ ռուսական տեսչական մարմնի աշխատակիցները հսկողություն են իրականացնում, իսկ Հայաստանի համապատասխան մարմիններն էլ գործընկերների հետ աշխատում են։