ՀՀ աշխատանքի և սոցիալական հարցերի փոխնախարար Դավիթ Խաչատրյանը ներկայացրել է, թե ԼՂ-ից բռնի տեղահանվածներն ինչպես կարող են օգտվել բնակարանային ապահովման ծրագրից։
Ըստ նրա՝ ծրագիրը վերաբերում է այն զույգերին, որոնցից նույնիսկ մեկը ՀՀ քաղաքացիություն ունի։ Ըստ փոխնախարարի՝ անհրաժեշտ է սահմանամերձ 80 բնակավայրից գոնե մեկում հողատարածք ձեռք բերել, որտեղ կկարողանան կառուցել իրենց տունը։ Նա մանրամասնել է, որ հողատարածքը պետք է սեփականության իրավունքով պատկանի զույգին, որպեսզի դիմեն ծրագրին։ Դրանից հետո արդեն կսկսվեն նախագծման աշխատանքները, այնուհետև պետք է փաստաթղթերը ներկայացնել համապատասխան համայնքային կառույց, որպեսզի շինարարություն թույլտվություն ստանան։
