Ուկրաինայի պաշտպանության նախարար Ռուստեմ Ումերովն ասել է, որ ուկրաինացի զինվորականները լավ են աշխատում ռազմաճակատում, քանի որ նրանք արդեն անցել են ռուսական պաշտպանության երկու գիծ և այժմ կանգնած են երրորդի առաջ։ Այս մասին նա ասել է FoxNews-ին տված հարցազրույցում։
«Մենք ազատագրել ենք մեր տարածքի կեսը, մենք հաղթում ենք Ռուսաստանին մեր հողի վրա, վերադարձրել ենք տարածքները, հիմա էլ ունենք 2024թ․ ծրագիր»,- նշել է նա։
Նախարարն ընդգծել է, որ Ուկրաինայի ռազմավարական հաղթանակը կլինի ելքը դեպի 1991 թվականի սահմաններ՝ ներառյալ Ղրիմը, Դոնբասը և Սև ծովը, միջազգայնորեն ճանաչված սահմաններին համապատասխան։
