Ռուսաստանի Դաշնային ժողովի Դաշնության խորհուրդը երկրի նախագահի ընտրության օրը նշանակել է 2024 թվականի մարտի 17-ին: Որոշումն ուժի մեջ է մտնում պաշտոնական հրապարակման օրվանից:
ՌԴ Սահմանադրության 102-րդ հոդվածի համաձայն՝ նախագահի ընտրության նշանակումը Դաշնության խորհրդի բացառիկ լիազորությունն է:
Դաշնության խորհրդի նախագահ Վալենտինա Մատվիենկոն նշել է, որ այդ որոշմամբ տրվում է նախընտրական արշավի մեկնարկը:
«Սա կարևորագույն իրադարձություն է երկրի քաղաքական կյանքում, որը կորոշի Ռուսաստանի զարգացման հետագա վեկտորը»,- ասել է Մատվիենկոն:
