Մի խումբ կենդանասերներ այսօր բողոքի ակցիա են իրականացրել ՀՀ Գլխավոր դատախազության դիմաց։ Պատճառը երեկ Հրազդանում տեղի ունեցած շների սպանդն է. ըստ ոստիկանության սպանվել է 2 շուն, ևս մեկին վիրավորել էին։
Կենդանասերները հայտարարել են, թե նստացույց են սկսում, մինչ դատախազությունից որևէ մեկը չիջնի ու բացատրություն չտա:
Նրանք իրենց հետ բերել էին նաև Հրազդանում սատկացված շներից մեկի մարմինը։
Կենդանասերները պահանջում են իրավական ընթացք տալ կատարվածին, նաև պնդում, որ Հայաստանի ողջ տարածով պետք է լինեն թափառող կենդանիների համար պետական կացարաններ:
