Նախարար Վահան Քերոբյանը դեկտեմբերի 8-ին մասնակցել է ՀՀ ԷՆ Զբոսաշրջության կոմիտեի տարեկան ամփոփիչ միջոցառմանը։ 

Իր ելույթում նախարար Վահան Քերոբյանը նշել է, որ՝

ՀՀ ԱԺ֊ի քննարկմանն է ներկայացվել Զբոսաշրջության մասին օրենքի նախագիծը, որը նպատակ ունի կանոնակարգել զբոսաշրջության ոլորտը:

Վերջին 4 տարիներին Կառավարության կողմից զբոսաշրջության ոլորտում կատարվող ներդրումներն ավելացել են 6,5 անգամ:

Այս տարվա 11 ամսվա տվյալներով Հայաստան է այցելել 2.2 մլն զբոսաշրջիկ, որը երկրի համար բացարձակ ռեկորդ է։

Զբոսաշրջության կոմիտեի նախագահ Սիսիան Պօղոսեանը ներկայացրել է ոլորտի 2023 թվականի ձեռքբերումները և 2024 թվականին նախատեսվող ծրագրերը։