Հնդկաստանի հետ հուշագիրը կարևոր քայլ՝ «Խաղաղության խաչմերուկի» ճանապարհին

ԱԺ փոխնախագահ Հակոբ Արշակյանը անդրադարձել է ԱԺ-ում Հնդկաստանի հետ մաքսային հարցերում համագործակցության մասին համաձայնագրի ընդունմանը։

«Քիչ առաջ ՀՀ Ազգային ժողովը 95 կողմ, միաձայն քվերակությամբ վավերացրեց «Հայաստանի Հանրապետության կառավարության և Հնդկաստանի Հանրապետության կառավարության միջև մաքսային հարցերով համագործակցության և փոխադարձ օգնության մասին» համաձայնագիրը։

Որպես հայ-հնդկական պատգամավորական բարեկամական խմբի ղեկավար՝ կարևորում եմ Հնդկաստանի հետ հարաբերությունների խորացումը։

Սա կարևոր քայլ է նաև «Խաղաղության խաչմերուկ» ծրագրի իրագործման ճանապարհին։

Ազգային ժողովի կողմից քայլեր են ձեռնարկվում նաև Հայաստանի և Հնդկաստանի միջև խորհրդարանական հարաբերությունների զարգացման ուղղությամբ»։