«Կուզենայի երեկվա իրադարձությունը համարել մի զրոյական կետ, որից մենք կկարողանանք առնվազն ջանքեր գործադրել, որ հետագա բոլոր լուրերն ավելի շատ վկայեն Հայաստանի և Ադրբեջանի միջև խաղաղության պայմանագիր ստորագրելու հավանականության մեծացման, ոչ թե՝ հակառակի մասին»,- հայտարարել է վարչապետ Նիկոլ Փաշինյանը՝ անդրադառնալով 32 հայ ռազմագերիների վերադարձին։
Նա անդրադարձել է նաև Ադրբեջանի նախագահ Իլհամ Ալիևի հետ ԵՄ միջնորդությամբ տեղի ունեցած եռակողմ հանդիպումներին ու ձեռք բերված պայմանավորվածություններին՝ ասելով.
«Եթե Ադրբեջանը չի հրաժարվում այս պայմանավորվածություններից ու սկզբունքներից, մոտ ապագայում Ադրբեջանի հետ խաղաղության պայմանագրի ստորագրումը դառնում է շատ իրատեսական։
Իմ կողմից ուզում եմ ընդգծել՝ Հայաստանը վերահաստատել ու վերահաստատում է հավատարմությունը նշված պայմանավորվածություններին»։
