Սպիտակ տունը հաստատել է Պենտագոնից զլմ-ներում ավելի վաղ տարածված տեղեկատվությունը, որ Ուկրաինային ռազմական օգնության հաջորդ փաթեթը կլինի վերջինն առնվազն այնքան ժամանակ, քանի դեռ ԱՄՆ Կոնգրեսը չի հաստատել օգնության նոր ծրագիրը, որը հանրապետականները արգելափակում են աշնան սկզբից, հայտնում է CNN-ը:
Սպիտակ տանն առընթեր ազգային անվտանգության խորհրդի ռազմավարական հաղորդակցությունների համակարգող Ջոն Քիրբին հաստատել է Պենտագոնի վերահսկիչ Մայք Մաքքորդի՝ Կոնգրեսին ուղղված նամակի իսկությունը, որը հայտնել Է Ուկրաինայի համար ֆինանսավորման ամբողջական սպառման մասին. մնացել է մեկ փաթեթ:
