Հայաստանում Ռուսաստանի դեսպանատունն անդրադարձել է ՀՌՀ երեկվա որոշմանը, որով 30 օրով կասեցվում է «Sputnik Արմենիա» ռադիոկայանի հեռարձակումը․
«Այս քայլը չի կարող չթվալ որպես զիջում հօգուտ նրանց, որոնք ավելի ու ավելի բարձր են խոսում Ռուսաստանի և Հայաստանի ավանդական, փոխշահավետ և փոխհարգալից դաշնակցային հարաբերությունների խզման օգտին»,- նշված է տարածած հաղորդագրության մեջ։
Ըստ դեսպանության՝ Հայաստանում ռուսական լրատվամիջոցի մասնաճյուղի հեռարձակումը կասեցնելու որոշումն ընդունվել է ՌԴ թվային զարգացման նախարարության և ՀՀ ԲՏԱ նախարարության կառուցողական խորհրդակցություններից (կայացել են դեկտեմբերի 14-ին) ընդամենը մեկ շաբաթ անց․
«Անցկացված խորհրդակցությունների ընթացքում կողմերը պայմանավորվել էին սերտ փոխգործակցել և լուծել ծագող բոլոր վիճելի հարցերը»:
