Կապի օպերատիվ ուղիներ են ստեղծվել տարաձայնությունների լուծման համար

ՀՀ-ում ՌԴ դեսպան Սերգեյ Կոպիրկինը հարցազրույց է տվել «ՏԱՍՍ» պարբերականի հայաստանյան թղթակից Նարեկ Գալստյանին, որտեղ անդրադարձել է հայ-ռուսական հարաբերությունների բազմակողմ հարցերին ու խնդիրներին։

Ի թիվս այլ հարցերի, Կոպիրկինը խոսել է նաև ռուսական հեռուստաեթերի՝ Հայաստանում հեռարձակման և ծագող խնդիրների մասին։

Կոպիրկինը, մասնավորապես, ասել է.

«Բանակցությունների ընթացքում ռուսական պատվիրակությունը լսել է իր հայ գործընկերների փաստարկները և ի գիտություն ընդունել նրանց մտահոգությունները: Կարևոր է, որ խորհրդակցությունների ընթացքում կողմերը համաձայնեցրել են տարաձայնությունները կապի օպերատիվ ուղիների ստեղծմամբ և մեր երկրների միջև բարեկամական ոգով լուծելու հարցերը»։