«Մտահոգություն կա, որ ԼՂ-ում ծախսված միջոցների մի մասը կարող է այլ նպատակների ծառայած լինել․ մասնավորապես, Հայաստանում և արտերկրում։ Այս առումով կցանկանամ իրավապահների ուշադրությունը հրավիրել»,- ասել է ԱԺ փոխնախագահ Հակոբ Արշակյանը ֆինանսների նախարար Վահե Հովհաննիսյանին ուղղված հարցում։
Նա նշել է, որ ապօրինի ծախսված այդ միջոցները պետք է հօգուտ Հայաստանի բռնագանձվեն ու օգտագործվեն պետության համար։
Նախարար Հովհաննիսյանը համաձայն է Արշակյանի հետ.
«Ճիշտ եք, և ներկայացված օրենքի նախագիծը հենց դա էլ նախատեսում է, որ ողջ պարտավորության գումարի՝ 315 մլրդ դրամի նկատմամբ Հայաստանն ստանում է իրավունք, պահանջի իրավունքները զիջվում են Հայաստանին։
Մենք կարողանալու ենք հետագայում գնալ գումարների ետևից։ Եթե բացահայտվեն խնդրահարույց դեպքեր, կարողանանք գումարի պահանջ ներկայացնել»։