ՀՀ ԱԳ փոխնախարար Վահան Կոստանյանն ԱԺ-ում ներկայացրել է Արաբական Միացյալ Էմիրությունների հետ փոխըմբռնման հուշագրում փոփոխությունների արձանագրությունը վավերացնելու հարցը։ Ըստ այդմ, առաջարկվում է ԱՄԷ ազատ ելումուտի հնարավորություն ընձեռնել․ «Արձանագրության վավերացման արդյունքում երկու երկրների՝ 6 ամսից ոչ պակաս վավերականության ժամկետ ունեցող քաղաքացիները կարող են մուտք գործել, դուրս գալ և տարանցմամբ տեղաշարժվել համապատասխան երկրների տարածքներով՝ առանց մուտքի արտոնագրի և վճարի: Մուտքի արտոնագիր ստանալու պահանջից ազատված անձնագրեր են համարվում երկու երկրների վավերական, դիվանագիտական, հատուկ, պաշտոնական և սովորական անձնագրերը: Նշված անձնագրի կողմեր ունեցող քաղաքացիներին թույլատրվում է գտնվել մյուս երկրի տարածքում առավելագույնը 90 օր ժամկետով»,– ասել է Կոստանյանը։
Նա ներկայացրել է նաև ընթացակարգը. «Եթե այսօր խորհրդարանը հավանություն տա տվյալ փաստաթղթին, այն միանգամից ուժի մեջ չի մտնելու․ քաղաքացիները մի քիչ էլ պիտի սպասեն, որպեսզի ավարտենք ներպետական ընթացակարգը, այսինքն, կստորագրվի, հետո կտեղեկացնենք դրա մասին Էմիրաթներին, ինչից հետո ԱԳՆ-ն հանրային կերպով կլուսաբանի, թե երբ մեր քաղաքացիները կկարողանան առանց մուտքի արտոնագրի ԱՄԷ ճամփորդել»։