«ԵԱՏՄ-ի շրջանակներում Ռուսաստանի փոխգործակցությունը հայկական կողմի հետ կառուցված է պրագմատիկ և փոխշահավետ հիմքի վրա։ Տարեցտարի Հայաստանում գրանցվում է տնտեսական ցուցանիշների տեմպի ավելացում»,- այս մասին հերթական բրիֆինգի ժամանակ հայտարարել է ՌԴ ԱԳՆ խոսնակ Մարիա Զախարովան։
«Մենք տեսնում ենք, որ Երևանը զգալի դիվիդենտներ է ստանում միությանն իր մասնակցությունից։ Չնայած հանրապետության ներկայացուցիչների որոշ ոչ միանշանակ հայտարարություններին՝ մենք և մեր հայ գործընկերները, ինչպես և ԵԱՏՄ մյուս անդամ երկրները, կառուցում ենք կառուցողական, ապաքաղաքականացված երկխոսություն»,- հայտարարել է Զախարովան։
Զախարովան մեջբերել է Նիկոլ Փաշինյանի խոսքը, որ Հայաստանը կենտրոնացած է ԵԱՏՄ-ի շրջանակներում առաջադրանքների միջնաժամկետ և երկարաժամկետ իրականացման վրա.
«Մենք աջակցում ենք մեր գործընկերների՝ հենց այսպիսի տրամադրվածությանը, հանուն եվրասիական տնտեսական ինտեգրման հետագա ամրապնդմանն ու զարգացմանն ուղղված արդյունավետ աշխատանքի»,- ավելացրել է Զախարովան։
