Գազայի հատվածում Իսրայելի և պաղեստինյան ՀԱՄԱՍ շարժման միջև էսկալացիայի սկսվելուց ի վեր զոհված պաղեստինցիների թիվը գերազանցել է 23 հազարը։ նման տվյալներ է ներկայացրել անկլավի առողջապահության նախարարությունը։
«Իսրայելական ագրեսիայի զոհերի թիվը հասել է 23084-ի»,-ասվում է Պաղեստինի առողջապահության նախարարության հայտարարության մեջ: Գերատեսչությունում նշել են, որ տուժածների ընդհանուր թիվը նույնպես աճել է նախորդ օրվա ընթացքում և ներկայումս կազմում է 58․926: Ընդհանուր առմամբ, վերջին 24 ժամվա ընթացքում զոհվել է 249 մարդ, վիրավորվել է ևս 510-ը:
