«Մոդեքս» տնտեսագիտական վերլուծական կենտրոնը ներկայացրել է ՏՏ ծառայությունների ոլորտի աշխատողների թվի դինամիկան Հայաստանում։
Ռուս-ուկրաինական պատերազմի սկսվելուն պես հազարավոր ՏՏ մասնագետներ լքեցին Ռուսաստանը՝ հանգրվանելով Հայաստանում, արդյունքում 2022թ-ի տարեվերջին հունվարի համեմատ ՀՀ-ում գրանցված ՏՏ ոլորտի աշխատողների թիվը աճեց գրեթե 46%-ով։
Պայմանավորված դրամի շարունակական արժևորված լինելու հանգամանքով, ռուսաստանցի ՏՏ միգրանտների արտահոսքով, ինչպես նաև համաշխարհային ՏՏ ոլորտում պահանջարկի անկմամբ և ներդրումների կրճատմամբ՝ 2023թ-ի տարեսկզբին Հայաստանի ՏՏ ոլորտի աշխատողների թիվը նվազել է, ապա որոշակիորեն աճելով կայունացել 32 հազ․-ի շուրջ։
