«Բիձինա Իվանիշվիլին երբեք իրեն թույլ չի տվել կառավարել գործընթացները կուլիսների հետևից, նման բան տեղի չի ունեցել»,-հայտարարել է Վրաստանի խորհրդարանի առաջին փոխխոսնակ Գիա Վոլսկին: Վոլսկու խոսքով՝ Իվանիշվիլիի խոշոր ֆինանսական ռեսուրսների մասին խոսակցությունները օգտագործվում են քաղաքական շահարկումների համար։
«Ժողովրդավարության միջնաբերդի՝ ԱՄՆ ղեկավարության մեջ չկար մի մարդ, որի ընտանիքը զգալի ֆինանսական ռեսուրսներ չունենար։ Եթե խոսքը ֆինանսական մեծ ռեսուրսի մասին է, հիշեք Դավիթ Կեզերաշվիլիի «Լելոն»՝ հսկայական գումարներով, որոնք նա գողացել է Վրաստանի պետբյուջեից։ Բիձինա Իվանիշվիլիի մեծ ֆինանսական ռեսուրսների մասին խոսակցությունները օգտագործվում են քաղաքական շահարկումների համար, սակայն այդ մեծ ռեսուրսի ետևում կանգնած է դրական նախագծերի անվերջ ցանկը, որոնք նա արել է Վրաստանի համար: Դուք չեք կարող ինձ մի օրինակ բերել, երբ խոշոր ֆինանսական ռեսուրսների առկայությունը նրա մոտ բացասական բնութագրվի», – նշել է Վոլսկին։
